လူ့အဖွဲ့အစည်းခေါင်းဆောင်များ၊ အခြေခံလူတန်းစားအဖွဲ့အစည်းများသို့ ထိုးဖေါက်နိုင်ရန်အတွက် လက်တွေ့ ကျသော လူ့အခွင့်အရေးပညာပေးမှုနှင့် စွမ်းရည်မြင့် မားအောင် လုပ်ဆောင်သည့် အစီအစဉ်များ လုပ်ဆောင်ရန် အရေးတကြီးလိုအပ်နေပါသည်။ ထိုလိုအပ်ချက်ကို တစ်ဖက်တစ်လမ်းမှ ဖြည့်ဆည်း ပေးနိုင်ရန်အတွက် လူ့အခွင့်အရေးပညာပေးဌာန(မြန်မာနိုင်ငံ)ကို ဖွဲ့စည်းထူထောင်ခဲ့ခြင်းဖြစ်သည်။ စတင် ထူထောင်ခဲ့သော ၂၀၀၀ခုနှစ်ကတည်းက လူ့အခွင့်အရေးပညာပေးမှု လုပ်ငန်းများကို ဦးစားပေးလုပ်ဆောင် လာခဲ့ပြီး ယနေ့အထိ အဖွဲ့အစည်းအသီးသီးမှ သင်တန်းများပို့ချ ပေးရန်အတွက် တောင်းဆိုမှုများကို အဆက်မပြတ် လက်ခံရရှိနေ လျက်ရှ်ိသည်။

လူ့အခွင့်အရေးပညာပေးဌာန(မြန်မာနိုင်ငံ)အနေဖြင့် သင်တန်းသားများကိုယ်တိုင် ပါဝင်လေ့လာ သင်ယူနည်း ကသာ လေ့လာသူများ၏စွမ်းရည်ကို မြင့်တင်ပေးရာရောက်ပြီး အမှန်တကယ် လက်တွေ့ကျသော လှုပ်ရှားပြောင်းလဲမှုများကို ဆောင်ကျဉ်းပေးနိုင်သည်ဟု အလေးအနက်ခံယူသည်။ ဆရာကိုဗဟိုပြုသော သင်ကြားနည်းသည် လူမှုလုပ်ငန်းများ ပြုပြင်ပြောင်းလဲရန်အတွက် အရေးကြီးလှသည့် လူတစ်ယောက် ချင်းစီ၏ သဘောထားနှင့် အပြုအမူများပြောင်းလဲရန်ဆိုသည့် ရည်ရွယ်ချက်ကို ရရှိနိုင်အောင် မလုပ်ဆောင် နိုင်ကြောင်းကို မိမိတို့အနေဖြင့်သုံးသပ်မိပါသည်။ လေ့လာသူများ၏ ပါဝင်လုပ်ဆောင်မှုကို အားနည်းစေသည့် ဆရာကိုဗဟိုပြုသော သင်ကြားမှုပုံစံမျိုးဖြင့် လေ့လာသူများ၏ စွမ်းရည်ကို မြင့်တင်နိုင်အောင် လုပ်ဆောင် နိုင်မည်မဟုတ်ပေ။ ထိုသို့ ယုံကြည်သည့်အတိုင်း လူ့အခွင့်အရေး ပညာပေးဌာန(မြန်မာနိုင်ငံ) သည် သင်ယူ လိုသူများ၏ လိုလားချက်၊ အတွေးအမြင်များအပေါ် အခြေခံထားသည့် လူ့အခွင့်အရေးပညာပေးမှုများကို လုပ်ဆောင်လျှက်ရှိပါသည်။ သင်ယူသူများ၏စွမ်းရည်ကို မြင့်တင်ပေးခြင်းဖြင့် လူ့အခွင့်အရေးအကြောင်းကို ပိုမိုနားလည်သဘောပေါက်လာစေအောင်နှင့် လူ့အခွင့်အရေးများကို အသုံးချစေနိုင်အောင် ရည်မှန်းလုပ် ဆောင်လျှက်ရှိပါသည်။